CYFRIFYDD CYMWYSIEDIG/RHANNOL GYMWYSIEDIG - PORTHMADOG

Cyfrifydd Cymwysiedig neu Rannol Gymwysiedig â phrofiad o oleiaf 3 blynedd. Rydym o hyd yn chwilio am unigolion brwdfrydig i ymuno â ni, ac mae yna ragolygon gwych am yrfa lwyddiannus ar gael yma yn Dunn and Ellis Cyf .

Prif ddyletswyddau a chyfrifoldebau:

• Paratoi cyfrifon diwedd blwyddyn ar gyfer unig fasnachwyr, partneriaethau a chwmnïau cyfyngedig. Cyflwyno cyfrifon cwmnïau cyfyngedig i Dŷ'r Cwmnïau a CThEF.

• Dealltwriaeth ddofn o TAW a phrosesau cyfrifyddu rheoli.

• Yn gyfforddus wrth ddefnyddio pecynnau meddalwedd, yn cynnwys ond heb eu cyfyngu i, Sage, Quickbooks, a Xero.

• Drafftio a chwblhau'n derfynol cyfrifiadau treth hunan-asesiad a chyflwyno ffurlfenni treth personol a phartneriaethau yn ogystal â ffurlenni treth cwmnïau i CThEF.

• Unrhyw waith arall ar ofyn cyfarwyddwyr.

Gofynion y swydd:

• Yn gymwys fel Cyfrifydd neu'n Rhannol Gymwys gyda un o'r sefydliadau canlynol ACA, ACCA, CTA, AAT neu ATT neu'n gwmwys drwy brofiad.

• Yn gallu gweithio i derfynau amser ac am wella ar ddisgwyliadau cleientiaid ac am ddarparu gwasanaeth rhagorol i gwsmeriaid.

• Brwdfrydig, ethos waith gryf a sgiliau cyfathrebu da.

• Cymhwysedd dechnegol dda ac yn rhoi sylw priodol i fanylion.

• Yn hyderus wrth reoli amser a llwyth gwaith.

• Yn gyfforddus wrth fentora aelodau o staff llai profiadol.

• Aelod da o'r tîm.

Bydd cefnogaeth lawn yn cael ei ddarparu i unigolion Rhannol Gymwysiedig wrth orffen eu cwymhwyster. Mae nifer o'r cyfarwyddwyr a'r cyfrifyddion cynorthwyol yn y practis wedi'u hyfforddi yma. Mae hyn yn amlygu'r rhagolygon am yrfa lwyddiannus posib yn y dyfodol.

Nodwn mai er yn y swyddfa ym Mhorthmadog y bydd y swydd hon yn cael ei leoli, ein disgwyliad fydd i deithio at ein cwsmeriaid yn aml i gwrdd â nhw. Bydd costau teithio yn cael eu had-dalu yn unol â chanllawiau CThEF.

Os yw'r rôl uchod o ddiddordeb, gofynnwn i chi ddanfon eich CV a llythyr cais at sylw Mr Iorwerth Williams (iorwerth@dunnandellis.co.uk).

CYFRIFYDD DAN HYFFORDDIANT - PORTHMADOG

Unigolyn sydd â diddordeb mewn busnes, yn drefnus, yn frwdfrydig ac yn barod i ddysgu. Rydym yn swyddfa hyfforddi gyda staff yn astudio tuag at eu tystysgrif ACA, ACCA, CTA, AAT ac ATT.

Prif ddyletswyddau a chyfrifoldebau:

• O dan oruchwyliaeth, paratoi cyfrifon ar gyfer gwahanol fusnesau, gan gynnwys:

• unig fasnachwyr,
• partneriaethau a
• chwmnïau cyfyngedig

• Hyfforddiant i ddefnyddio meddalwedd a systemau cyfrifiadurol e.e. Iris, Quickbooks, Xero.

• Sicrhau bod terfynau amser e.e. Tŷ’r Cwmnϊau, CThEF ayyb yn cael eu cyrraedd yn brydlon.

• O dan oruchwyliaeth, cynorthwyo i baratoi:

• ffurflenni treth incwm,
• ffurflenni treth gorfforaeth, a
• ffurflenni TAW

• Unrhyw waith clerigol arall sydd yn ofynnol gan oruchwylwyr a chyfarwyddwyr y swyddfa.

Os yw'r rôl uchod o ddiddordeb, gofynnwn i chi ddanfon eich CV a llythyr cais at sylw Mr Iorwerth Williams (iorwerth@dunnandellis.co.uk).

LLYFRIFWR - PORTHMADOG

Cyfle i fod yn rhan o dîm brwdfrydig Dunn & Ellis Cyf. Rydym yn chwilio am unigolyn sydd â chefndir o ddefnyddio meddalwedd cadw llyfrau gan gynnwys Sage, Quickbooks, Xero etc.

Prif ddyletswyddau a chyfrifoldebau:

• Paratoi ffurflenni TAW yn chwarterol neu'n fisol dros ystod o fusnesau ac endidau drwy ddefnyddio meddalweddau cadw llyfrau o bob math, h.y. Sage, Quickbooks, Xero, etc.;
• Rhoi cymorth i gleientiad sy'n paratoi eu ffurflenni TAW eu hunain, gwirio ffigyrau TAW y cleientiaid, paratoi, a chyflwyno ffurflenni TAW gan ddefnyddio meddalwedd sy'n cydymffurfio a rheolau "MTD" ar ran cleientiaid;
• Cysylltu â chleientiaid i'w hatgoffa i ddod a'u cofnodion ariannol i fewn mewn da bryd er mwyn paratoi ei ffurflen TAW. Sicrhau bo cleientiaid yn ymwybodol o derfynau amser ar gyfer cyflwyno ffurflenni TAW;
• Sicrhau bo'r ffurflen TAW yn cael ei chyflwyno o fewn terfynau amser, a bo ffurflenni yn cael eu cwblhau o fewn amser rhesymol ar ôl derbyn y cofnodion. Bydd angen sicrhau bo'r ffigyrau TAW yn fanwl gywir bob amser;
  
• Cysylltu â chleientiaid i gytuno â'r ffigyrau ar y ffurflen TAW a'u cynghori ar sut i dalu unrhyw swm sy'n ddyledus i swyddfa CThEF;
• Sicrhau bo tasgau cyfrifon rheoli yn cael eu cwblhau yn chwarterol, i gynnwys (ond heb ei gyfyngu) y canlynol:
  Cysoniadau banc
  Rheoli credydwyr
  Rheoli dyledwyr
• Cydgysylltu yn effeithiol â staff yr adran gyfrifon, gan sicrhau bo cofnodion cleientiaid yn cael eu trosglwyddo yn brydlon er mwyn paratoi cyfrifon ariannol diwedd blwyddyn, a chodi unrhyw faterion sy'n codi yn ôl yr angen;
• Unrhyw waith clerigol arall ar ofyn rheolwyr a chyfarwyddwyr;
• Mae'r gallu i siarad Cymraeg yn hanfodol.

Nodwn mai er yn y swyddfa ym Mhorthmadog y bydd y swydd hon yn cael ei leoli, ein disgwyliad fydd i'r ymgeisydd llwyddiannus deithio at ein cwsmeriaid yn aml i gwrdd â nhw. Bydd costau teithio yn cael eu had-dalu yn unol â chanllawiau CThEF.

Os yw'r rôl uchod o ddiddordeb, gofynnwn i chi ddanfon eich CV a llythyr cais at sylw Mr Iorwerth Williams (iorwerth@dunnandellis.co.uk).